वसई : मुंबई जवळच असणाऱ्या वसई परिसरात एका चौकात २ हजार रुपयांच्या हजारो नोटा आढळले आहेत. भरचौकात लाखो रुपयांच्या नोटांचा खच बघून अनेक नागरिकांनी घटनास्थळी गर्दी केली होती. तसेच बऱ्याच लहान मुलांनी आणि नागरिकांनी या नोटा जमा केले होते. या घटनेचा व्हिडीओ सोशल मीडियावर प्रचंड वेगाने व्हायरल Viral video झाले आहे.

हे देखील पहा-

सर्वत्र या घटनेचीच चर्चा सुरू आहे. पण काही वेळानंतर या घटनेबाबत भलतंच सत्य समोर आले आहे. यामुळे नागरिकांनी जमा केलेल्या नोटा घटनास्थळी टाकून काढता पाय घेतला आहे. ही घटना वसई मधील मधूबन परिसरात घडली आहे. याठिकाणी २ हजार रुपयांच्या बनावट नोटांचा खच रस्त्यावर पडला होता.

हे दृश्य बघून अनेक लहान मुले आणि काही नागरिकांनी या नोटा जमा केले होते. पण या नोटा एका वेब सिरीजच्या शुटिंगकरिता वापरण्यात आल्याची माहिती समोर आली आहे. या नोटा बघून अनेकजण चक्रावून गेले होते. भर रस्त्यावर २ हजार रुपयांच्या नोटांचा खच बघून अनेकांनी रस्त्याच्या कडेला आपले वाहन थांबवून पैसे उचलण्याचा प्रयत्न करण्यात आला होता.

पण या नोटा नकली असल्याचे माहिती झाल्यावर, त्यांनी नोटा घटनास्थळी टाकून काढता पाय घेतला आहे. तुम्ही या व्हिडीओ मध्ये बघू शकता, याठिकाणी अनेक लोकांनी घटनास्थळी मोठ्या प्रमाणात गर्दी केली आहे. तसेच काही कर्मचारी हा रस्ता झाडून नोटा गोळा करताना दिसत आहेत. याचा व्हिडीओ सध्या सोशल मीडियावर मोठ्या प्रमाणात वेगाने व्हायरल होतं आहे. नागरिक यावर प्रतिक्रिया देत आहेत.

Edited By- Digambar Jadhav