शिवाजी काळे -

मुंबई: संपुर्ण महाराष्ट्राचं लक्ष लागून राहिलेल्या शिवसेनेच्या (Shivsena) दसरा मेळाव्याबाबत मुंबई उच्च न्यायालयाने (High Court) महत्वाचा निर्णय दिला आहे. दादर येथील शिवाजी पार्कवर दसरा मेळावा घेण्यासाठी न्यायालयाने उद्धव ठाकरेंच्या (Uddhav Thackeray) गटाला परवानगी दिली.

तर दुसरीकडे या मैदानावर दसरा मेळावा घ्यायची परवानगी मिळावी यासाठी शिंदे गटाने केलेली याचिका उच्च न्यायालयाने फेटाळली आहे. मुंबई उच्च न्यायालयाने जरी शिवसेनेला शिवाजी पार्कमध्ये दसरा मेळाव्यासाठी परवानगी दिली असली तरी ठाकरे गटासमोरील अडचणींमध्ये काही कमी झालेली दिसतं नाहीये.

पाहा व्हिडीओ -

कारण उच्च न्यायालयाच्या निकालाला आव्हान देत शिंदे गट आता सर्वोच्च न्यायालयात (Supreme Court) याचिका दाखल करणार आहे. सोमवारी शिंदे गट सर्वोच्च न्यायालयात ही याचिका दाखल करणार असल्याची माहिती समोर आली आहे. त्यामुळे आता सर्वोच्च न्यायालयात गेलेल्यावर शिंदे गटाला दिलासा मिळणार की उच्च न्यायालयाचा निकाल जैसे थे राहणार हे पाहणं महत्वाचं ठरणार आहे.