डोंबिवली : यंदाच्या पावसाळ्यात कल्याण-डोंबिवली शहरातील अंतर्गत रस्त्यांवर खड्ड्यांचे साम्राज्य दिसून येते आहे. गणेशोत्सवाच्या पार्श्वभूमीवर हे खड्डे बुजवून रस्ते सुस्थितीत करण्यात यावेत अशी मागणी अनेक दिवसांपासून नागरिक तसेच राजकीय पक्षांकडून केली जात आहे. मात्र प्रशासनाकडून अद्यापही खड्डे बुजवण्यासाठी कोणतेही पाऊल उचलले नाही. या खड्ड्यांमुळे नागरिकांना प्रचंड मनस्ताप सहन करावा लागतो आहे. अखेर आज मनसेने आक्रमक पवित्रा घेतला आणि डोंबिवली शहरातील लोकमान्य टिळक यांच्या पुतळ्याला हार घालून आंदोलनाला सुरवात केली. पहिले मनसेच्या कार्यकर्त्यांनी घोषणाबाजी केली आणि नंतर खड्ड्यात बसून हाय हाय नारा देत सत्ताधारी, प्रशासन आणि केडीएमसी अधिकारी यांचा निषेध व्यक्त केला. (Dombivali MNS agitation sitting in the pit)

हे देखील पहा -

यावर्षी बाप्पाचे आगमन खड्ड्यातून???

गणेशोत्सव तोंडावर आला असतानाही डोंबिवली शहरात आणि 27 गावात पालिका प्रशासनाला खड्डे बुजविणे अद्यापही शक्य झालेले नाही आहे. डोंबिवली शहरातील टिळक रोड, जोशी शाळेचा रस्ता, सारस्वत कॉलनी रस्ता, घरडा सर्कल, डोंबिवली पश्चिम आणि 27 गावात ठिकठिकाणी खड्डे पडले आहेत. त्यामुळे यंदाच्या गणेशोत्सव आगमन खड्डय़ांतून काढण्याची वेळ नागरिकांवर येण्याची शक्यता आहे. महापालिका मध्ये प्रशासकीय राजवट चालू आहे,मात्र आयुक्तांनी रस्त्यावरील पडलेल्या खड्ड्यांकडे पूर्ण दुर्लक्ष केल्याचे दिसते. राजकीय मंडळी आणि सत्ताधारी शिवसेनेचे सुद्धा खड्ड्याबाबतीत मौन पाळले आहे.

करोनाच्या प्रादुर्भावामुळे राज्य सरकारने या वर्षीही गणेशोत्सवावर निर्बंध घातले आहे. तसेच नियमांचे पालन करून साधेपणाने गणेशोत्सव साजरा करण्याचे आवाहन राज्य सरकारने केले आहे. या निर्बंधांविषयी गणेशोत्सव मंडळांमध्ये नाराजी असली तरी गणेशोत्सवासाठी मंडळांनी तयारी सुरू केली आहे. डोंबिवली शहरात आणि 27 गावांत घरगुती गणपतींचे आगमनही मोठ्या प्रमाणात होत असते.

खड्ड्यांमुळे शहरात ट्रॅफिक जाम शुद्ध होऊ लागेल आहे. मात्र गणेशोत्सव तोंडावर आला असतानाही महापालिकेकडून खड्डे बुजविण्यात आलेले नाही.त्यामुळे महापालिका प्रशासन हे खड्डे कधी बुजवणार असा सवाल उपस्थित होत आहे. याबाबत मनसेच्या कार्यकर्त्यांनी घोषणाबाजी केली आणि नंतर खड्ड्यात बसून हाय हाय नारा देत सत्ताधारी, प्रशासन आणि केडीएमसी अधिकारी यांचा निषेध व्यक्त केला.

Edited By - Akshay Baisane