अक्षय बडवे

Cyber Crime News: पुणे शहरात ऑनलाईन फसवणूकीच्या घटनांमध्ये दिवसेंदिवस वाढ होताना दिसत आहे. त्यामुळे नागरिकांमध्ये चिंतेचे वातावरण पसरले आहे. सायबर चोरटे फसवणुकीसाठी नवनवीन युक्त्या करुन लोकांना गंडा घालत असतात. एखादी बाब लोकांच्या लक्षात आली व लोक सावध होऊ लागले की लोकांना गंडा घालण्यासाठी दुसरा फंडा वापरला जातो.

बनावट फेसबुक अकाऊंट उघडून सर्वसामान्य लोकांची फसवणूक करणे हा प्रकार तर अलिकडे नित्याचेच झाले आहेत.असाच आणखी एक धक्कादायक प्रकार पुण्यात समोर आला आहे. या सायबर चोरट्यांनी आता थेट जिल्हाधिकाऱ्यांना टार्गेट केलं आहे.(Latest Marathi News)

पुण्याचे (Pune) जिल्हाधिकारी डॉ. राजेश देशमुख यांच्या नावानेच बनावट अकाऊंट उघडल्याची खळबळजनक बाब आली आहे. या प्रकरणी डॉ. राजेश देशमुख यांनी याप्रकरणी सायबर पोलिसात तक्रार दिली आहे. सायबर चोरट्यांनी (Cyber Crime) माही वर्मा या नावाने हे बनावट अकाऊंट तयार केले होते. या अकाऊंटवरून जिल्हाधिकारी राजेश देशमुख यांचे फोटो देखील पोस्ट करण्यात आले होते. तसेच देशमुख यांच्या मूळ अकाऊंट वरील अनेकांना या अकाऊंटवरून रिक्वेस्ट पाठवण्यात आली होती. (Pune News)

दरम्यान, याआधी २ वेळा राजेश देशमुख यांचे नाव वापरून काही अज्ञातांनी फेसबुक अकाऊंट तयार केले होते. त्यामुळे नागरिकांनी अशा कोणत्याही भूलथापांना बळी न पडण्याचे आवाहन डॉ. राजेश देशमुख यांनी केले आहे.