- सिद्धेश म्हात्रे

स्मशानभूमीत मृतदेहांवर अंत्यसंस्कार करण्यासाठी ओएनजीसी कंपनीकडून मदत स्वरूपात घेतलेली लाकडे न्हावे गावच्या माजी सरपंचाने एका बेकरी व्यावसायिकाला दिल्याची धक्कादायक बाब समोर आली आहे. याबाबत सामाजिक कार्यकर्ते वैभव म्हात्रे यांनी रायगड जिल्हाधिकाऱ्यांकडे सखाेल चाैकशीची मागणी निवेदनाच्या माध्यमातून केले आहे.

विशेष म्हणजे ही लाकडे घेतल्याची कोणतीही नोंद ग्रामपंचायतच्या दप्तरी नाही. मात्र ओएनजीसी व्यवस्थापनाने ग्रामपंचायतीने केलेल्या विनंतीनुसार या लाकडांचा पुरवठा केल्याचे दास्तावेज ओएनजीसी कडून प्राप्त झालेत.

सामाजिक कार्यकर्ते वैभव म्हात्रे यांना प्राप्त झालेल्या माहितीच्या अधिकारातुन या स्मशानभूमी घोटाळ्याची बाब समोर आली आहे. या प्रकरणाची सखोल चौकशी करण्याची मागणी रायगड जिल्हाधिकाऱ्यांकडे करण्यात आली आहे अशी माहिती वैभव म्हात्रे यांनी साम टीव्हीशी बाेलताना दिली.

Edited By : Siddharth Latkar