Annasaheb Patil Arthik Vikas Mahamandal : नरेंद्र पाटलांच्या आक्रमकतेमुळे 'त्या' 61 कर्मचा-यांना मिळाला दिलासा, मराठा समाजासाठी मुख्यमंत्र्यांचे निर्देश (पाहा व्हिडिओ)
- सिद्धेश म्हात्रे
अण्णासाहेब पाटील आर्थिक मागास विकास महामंडळातून काढलेल्या 61 कर्मचा-यांना पुन्हा सेवेत घ्या, गरज भासल्यास आणखी कर्मचारी घ्या असे निर्देश मुख्यमंत्री एकनाथ शिंदे यांनी दिल्याची माहिती अण्णासाहेब पाटील आर्थिक मागास विकास महामंडळाचे अध्यक्ष नरेंद्र पाटील यांनी दिली. पाटील यांनी मुख्यमंत्र्यांच्या भेटीतील चर्चेचा तपशीलही सांगितला.
अण्णासाहेब पाटील आर्थिक मागास विकास महामंडळामध्ये काम करीत असलेल्या 61 कर्मचा-यांना महामंडळाचे व्यवस्थापकीय संचालक मंगेश मोहिते यांनी कोणतीही चर्चा न करता अचानकपणे कामावरुन कमी केले हाेते. या निर्णयावरुन महामंडळाचे अध्यक्ष नरेंद्र पाटील यांनी आक्रमक पवित्रा घेतला हाेता.
व्यवस्थापकिय संचालक यांनी अचानक घेतलेल्या या निर्णयामुळे महाराष्ट्रातील 90 हजार लाभार्थ्यांना योग्य वेळी व्याज परतावा आणि योग्य ती मदत मिळणार नाही अशी भावना अनेकांनी नरेंद्र पाटील यांच्याकडे व्यक्त केली हाेती. त्यानंतर पाटील यांनी आक्रमक पवित्रा घेतला.
नरेंद्र पाटील यांनी वर्षा बंगला येथे मुख्यमंत्री एकनाथ शिंदे यांची भेट घेत 61 कर्मचा-यांना पुन्हा कामावर घ्यावे अशी मागणी केली. या भेटीनंतर मुख्यमंत्र्यांनी कर्मचारी कपातीचा निर्णय रद्द केला. तसेच आवश्यकता भासल्यास अधिकच्या कर्मचा-यांची नेमणुक केली जाईल असे मुख्यमंत्र्यांनी आश्वासित केल्याचे पाटील यांनी नमूद केले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.