मुंबई : बुली-बाई अॅप (Bulli Bai App) प्रकरणात मुस्लिम महिलांना लक्ष केले गेल्याचे वृत्त ताजे असतानाच, सोशल मिडियावर आता हिंदु समुदायातील महिलांविरूद्ध आक्षेपार्ह मजकूर असणारे ग्रुप टेलिग्रामवर बनवले जात असल्याचे निदर्शनास आले आहे. याची गंभीर दखल केंद्रीय मंत्रालयाने घेतली आहे.

बुली बाई अॅप प्रकरणात मुस्लिम समुदयातील महिलांना लक्ष केल्यानंतर काही समाज कंटकांनी हिंदू महिलांचे (Hindu Women) अश्लील फोटो टेलिग्रामवर (Telegram) ग्रुप बनवून शेअर केले जात आहेत. ट्विटरवरुन या टेलिग्राम चॅनेलसंदर्भातही अनेकांनी तक्रार केली. याच तक्रारीची दखल इलेक्ट्रॉनिक्स आणि माहिती तंत्रज्ञान मंत्रालयाने घेतली असून त्यानंतरच हे चॅनेल ब्लॉक करण्याची कारवाई करण्यात आली असून त्यानंतरच हे चॅनेल ब्लॉक करण्यात आलं आहे.

तर बुली बाईनंतर अन्य कुठल्याही समुदायातील व्यक्ती किंवा महिलांबाबत अशा प्रकारे कृत्य होत असेल. तर ते संबधित व्यक्तिंनी मुंबई पोलिसांच्या निदर्शनास आणून दयावे. त्याची मुंबई पोलिस चौकशी करतील, तसेच वेळ पडल्यास गुन्हा नोंदवून तपासही केला जाईल. अशी माहिती मुंबईचे पोलिस आयुक्त हेमंत नगराळे यांनी दिली.

Edited By: Pravin Dhamale