सचिन जाधव, पुणे प्रतिनिधी

Pune kothrud Accident News : पुण्यच्या कोथरूडमध्ये दुचाकीचा भीषण अपघात झाला आहे, यामध्ये दोन जणांचा जागीच मृत्यू झाला आहे. कोथरूडमध्ये पुलाच्या कठड्याला दुचाकीने जोरदार धडक दिली, त्यामध्ये चालक आणि पाठीमागे बसलेल्या तरूणाचा मृत्यू झाला. कोथरूड येथील पौड फाट्याजवळ पुलावर हा अपघात झाला. पोलिसांनी याप्रकरणी अपघाती निधनाची नोंद केली आहे.

कोथरूड येथील पौड फाट्याजवळ पुलावर झालेल्या अपघातात दोन जणांचा मृत्यू झाला. सर्वेश गोपाळ पाटील (वय २०) आणि पुष्कर सुधाकर चौधरी (वय १९, रा. तुरक गुप्हाडा, जि. बुऱ्हाणपूर, मध्यप्रदेश) अशी मृत्युमुखी पडलेल्या तरुणांची नावे आहेत. दुचाकीस्वार सर्वेश हा त्याचा मित्र पुष्कर याच्यासमवेत पहाटे तीन वाजण्याच्या सुमारास पौड फाटा परिसरातील स्वातंत्र्यवीर विनायक दामोदर सावरकर पुलावरून निघाला होता. त्यावेळी भरधाव दुचाकी पुलाच्या कठड्याला जोरात धडकल्याने दोघेही गंभीर जखमी झाले. त्यांना रुग्णालयात दाखल करण्यात आले. परंतु त्यांचा उपचारादरम्यान मृत्यू झाला. याबाबत अधिक तपास कोथरूड पोलीस करत आहेत.

पुलाच्या कठड्यास धडकल्याने दुचाकीस्वारासह सहप्रवासी तरुणाचा मृत्यू झाला. ही घटना कोथरूड येथील पौड फाट्याजवळ पुलावर मंगळवारी पहाटे घडली. सर्वेश गोपाळ पाटील (वय २०) आणि पुष्कर सुधाकर चौधरी (वय १९, रा. तुरक गुप्हाडा, जि. बुऱ्हाणपूर, मध्यप्रदेश) अशी मृत्युमुखी पडलेल्या तरुणांची नावे आहेत. पोलिसांनी दिलेल्या माहितीनुसार, दुचाकीस्वार सर्वेश हा त्याचा मित्र पुष्कर याच्यासमवेत पहाटे तीन वाजण्याच्या सुमारास पौड फाटा परिसरातील स्वातंत्र्यवीर विनायक दामोदर सावरकर पुलावरून निघाला होता. भरधाव दुचाकी पुलाच्या कठड्याला जोरात धडकल्याने दोघेही गंभीर जखमी झाले. त्यांना रुग्णालयात दाखल करण्यात आले. परंतु त्यांचा उपचारादरम्यान मृत्यू झाला. याबाबत पोलिस अंमलदार निषाद कोंडे यांनी कोथरूड पोलिस ठाण्यात फिर्याद दिली आहे. पुढील तपास सहाय्यक पोलिस निरीक्षक राजकुमार अडागळे करीत आहेत.