मुंबई : मध्य रेल्वेच्या मुंलुंड स्थानकावर आज संध्याकाळी प्रवाशांना एका वेगळ्याचा अडचणीचा सामना करावा लागला. संध्याकाळच्या ऐन गर्दीच्या वेळी मुलुंड स्थानकातील लाईट गेल्याने प्रवाशांना अंधारात आपली वाट शोधावी लागली आहे. याचा व्हिडीओ देखील समोर आला आहे.

मुलुंड स्टेशनवर आज संध्याकाळी साडेआठ ते नऊ वाजेच्या सुमारास बत्ती गुल झाली होती. जवळपास 25 ते 30 लाईट गेली होती. त्यामुळे प्रवाशांना अंधारातच लोकलमध्ये चढावे आणि उतरावे लागत होते. (Latest Marathi News)

संध्याकाळी नोकरी करणाऱ्यांची घरी जाण्यासाठी लगबग सुरु असते. त्यामुळे प्लॅटफॉर्मवर गर्दी देखील मोठ्या प्रमाणात होती. अशात अपघात होण्याचा धोका देखील होता. मात्र सुदैवाने काही दुर्घटना झाली नाही. अर्ध्या तासात पुन्हा लाईट आल्याने प्रवाशांची काळजी मिटली.