Pune Bus Fire : पुण्यातील चांदनी चौकाजवळ बसला भीषण आग; अग्निशमन दलाची २ वाहनं घटनास्थळी

प्राची कुलकर्णी

Pune Bus Fire : पुण्यातून आगीच्या घटनेचं वृत्त समोर आलं आहे. पुण्यातील कोथरूड, चांदनी चौकाच्या पुढे एका बसला आग लागल्याची घटना घडली आहे. या घटनेने रस्त्यावर एकच खळबळ उडाली आहे. घटनास्थळी अग्निशमन दलाचे २ वाहने रवाना झाले आहेत. अग्निशमन दलाच्या जवानांचे आग विझविण्याचे प्रयत्न सुरू आहे. (Latest Marathi News)

मिळालेल्या माहितीनुसार, पुण्यातील कोथरूडजवळी चांदनी चौकाच्या पुढे मारणेवाडीच्या बसला भीषण आग लागल्याची घटना घडली आहे. या आगीत अद्याप जीवितहानी झाल्याची माहिती समोर आलेली नाही. आगीच वृत्त मिळताच अग्निशमन दलाची २ वाहने घटनास्थळी दाखल झाली आहेत. अग्निशमन दलाच्या जवानांकडून बसला लागलेली आग विझविण्याचे प्रयत्न सुरू आहेत.

मारणेवाडीच्या बसला आग लागल्याने रस्त्यावर एकच खळबळ उडाली. बस आग लागल्यानंतर बस चालकाने प्रसंगावधान राखत बसमधील प्रवाशांना खाली उतरवण्यास सांगितले. त्यामुळे बसमधील प्रवाशांचे जीव वाचले. या आगीमुळे चांदणी चौकात प्रचंड वाहतूक कोंडी झाली आहे.