सुप्रीम मस्कर, साम टिव्ही

मुंबई : ठाकरे बंधूंच्या एकत्र येण्याच्या चर्चेंना आता वेग आलाय. साद-प्रतिसादानंतर सुरु झालेली युतीची चर्चा मध्यंतरी थंडावली होती. मात्र आता शिवसेना- मनसे युतीला ठाकरेंच्या नव्या पिढीचाही ग्रीन सिग्नल असल्याच चित्र दिसतंय. त्यामुळे आतातरी ठाकरे बंधू ज्युनिअर ठाकरेंच्या मध्यस्थीनं एकत्र येतील का? असा प्रश्न विचारला जातोय.

एकीकडे युतीच्या चर्चा सुरु असताना डोंबिवलीतील पलावा पुलाच्या मागणीसाठी ठाकरेंच्या शिवसेनेने आणि मनसेनं एकत्र आंदोलन केलं होतं. तो युतीचा भाग होता, असं म्हणत आदित्य ठाकरेंनी युतीच्या चर्चांना आधीच ग्रीन सिग्नल देऊन टाकलाय. ठाकरे सेना युतीसाठी सकारात्मक असल्याचं बोललं जातयं. त्यात आदित्य आणि अमित ठाकरेंनी युतीला ग्रीन सिग्नल दिलाय. मात्र नव्या पिढीची हे दोन्ही ठाकरे युतीसाठी सकारात्मक असताना ठाकरे बंधूंनी युतीवर अद्याप मौन का बाळगलयं? पालिका निवडणुकीच्या अनुषंगानं युतीच्या चर्चांना उधाण आणून दोन्ही ठाकरे राजकीय अस्तित्त्वाची चाचपणी करतायत का? पालिका निवडणुकीत एकत्र येण्यासाठी ठाकरे बंधू कोणती नवी रणनिती आखतील? हे पाहणं उत्सुकतेचं ठरणार आहे.