संजय गडदे, साम टीव्ही

मुंबईतील लाचलुचपत प्रतिबंधक विभागाने (ACB) बीएमसीच्या के/ईस्ट वॉर्डमध्ये धडक कारवाई करून दुय्यम अभियंता अभिजित दिक्षित याला लाच घेताना रंगेहाथ पकडले. फॅक्टरी लायसन्ससाठी दिक्षित यांनी तक्रारदाराकडून तब्बल 7 लाख रुपयांची लाच मागितली होती. तडजोडीनंतर हा सौदा 3.5 लाखांवर अंतिम झाला.

मिळालेल्या माहितीनुसार, 3.5 लाख रुपयांची लाच स्वीकारताच ACB टीमने दिक्षित याला रंगेहाथ पकडले. त्यानंतर कार्यालय झडतीत 5 लाख रुपये रोख जप्त करण्यात आले. तसेच या प्रकरणात घरझडतीची प्रक्रिया सुरू आहे.

या प्रकरणी गुन्हा क्रमांक 34/25 नोंद करण्यात आला आहे. दिक्षित यांच्यावर भ्रष्टाचार प्रतिबंधक अधिनियमाच्या कलम 7 अंतर्गत कारवाई करण्यात आली आहे. ACBने नागरिकांना आवाहन केले आहे की, कोणताही शासकीय अधिकारी लाच मागत असल्यास तात्काळ तक्रार नोंदवा, त्यावर त्वरित आणि कठोर कारवाई करण्यात येईल.