मुंबई : मुंबईच्या (Mumbai) घोडपदेव परिसरात दिवसा ढवळया एका आईला गुंगीचे औषध देऊन 3 महिन्याच्या बाळाचे अपहरण (Abduction) केल्याची धक्कादायक घटना समोर आली आहे.

हे देखील पहा -

ज्यां घरातील बाळ चोरलं आहे ते मगदूम कुटुंब घोडपदेव येथे असणाऱ्या संघर्षसदन इमारती मधील पहिल्या मजल्यावर रहातात. मुलीचे वडील बजरंग मगदूम यांनी दिलेल्या माहितीनुसार, मंगळवारी सकाळी साडे अकराच्या वाजण्याच्या सुमारास ही घटना घडली. या प्रकरणी काळाचौकी पोलिस ठाण्यात (Kalachauki police station) दोन अनोळखी भांडी विकणाऱ्या महिलांवर गुन्हा दाखल केला आहे.

जुन्या मोबाईलवर (Mobile) बास्केट देण्याच्या नावाखाली एक महिला घरात शिरून पाठमोरी उभ्या असणाऱ्या आईला पाठीमागून गुंगीच्या औषधाचा रुमाल तोंडाला लावला. ती बेशुद्ध पडताच त्यांनी घरामध्ये असणाऱ्या अवघ्या 3 महिण्याच्या बाळाच अपहरण केलं.

दरम्यान सदरचा सर्व प्रकार CCTV मध्ये कैद झाला असून CCTV फुटेजच्या मदतीने पोलीस आरोपी महिलांचा शोध घेण्याचा प्रयत्न करत आहेत. या चिमुकलीला पाहिल्यास तात्काळ पोलिसांशी संपर्क साधण्याचे आवाहन तिच्या कुटुंबियांकडून करण्यात येत आहे.

Edited By - Jagdish Patil