Pune Firing News : पुणे शहरातील मार्केट यार्ड परिसरात आज (शनिवार) दुपारच्या सुमारास गाेळीबार करुन चाेरट्यांनी अठ्ठावीस लाख रुपये लुटले. ही घटना अंगडियाचा व्यवसाय करणा-या एकाच्या कार्यालयात घडली आहे. या घटनेची माहिती समजताच पाेलिसांनी घटनास्थळी धाव घेतली. (Pune Latest Marathi News)

पुण्यातील (pune) मार्केट यार्ड परिसरातील एका इमारतीत अंगडिया व्यावसायिकाचे कार्यालय आहे. शनिवारी दुपारी साडेबाराच्या सुमारास चेह-यावर स्कार्फ बांधून आलेल्यांनी कार्यालयात शिरकाव केला. त्यानंतर चोरट्यांनी अंगडिया कार्यालयातील कर्मचाऱ्यांना बंदूकीचा धाक दाखवित पैशांची मागणी केली. (Maharashtra News)

त्याचवेळी चोरट्यांनी गोळीबार केल्याची माहिती स्थानिकांनी सांगितली. या कार्यालयातून चाेरट्यांनी २८ लाख रुपये चाेरले. दरम्यान या घटनेची माहिती समजताच वरिष्ठ पोलीस अधिकाऱ्यांनी घटनास्थळी धाव घेतली.

त्यानंतर पोलिसांच्या (police) पथकाने पळून गेलेल्या चोरट्यांचा माग काढण्यासाठी तातडीने नाकाबंदी केली. पाेलिस सध्या संशयित वाहनांची तपासणी करीत आहेत. याबराेबरच सीसीटीव्ही कॅमेऱ्यातील चित्रीकरणाच्या माध्यमातून तपास सुरु करण्यात आला आहे. (Breaking Marathi News)

Edited By : Siddharth Latkar