Buldhana News : धावत्या एसटी बसच्या (msrtc bus) फाटलेल्या पत्र्यामुळे रस्त्याच्या कडेला मॉर्निंग वॉक करणाऱ्या दोन तरूणांचे (youth) हात कापले गेले. या दाेन्ही युवकांची प्रकृती गंभीर झाल्याने त्यांना मलकापूर सामान्य रुग्णालयात उपचारार्थ दाखल करण्यात आले आहे.

बुलढाणा जिल्ह्यातील मलकापूर - पिंपळगाव देवी मार्गावर सकाळी काही तरुण रस्त्याच्या कडेला पोलीस भरतीसाठी व्यायाम करीत असतात. याच मार्गावरून मलकापूर आगाराची बस निघाली हाेती. या बसच्या चालकाच्या मागील बाजूचा पत्रा तुटून बाहेर आलेला होता. त्यामुळे व्यायाम करणाऱ्या तरुणांना या पत्र्याचा धक्का लागून दोन तरुणांचे हात कापले गेले.

हा अपघात इतका भीषण आहे की दोन्ही तरुणांचे हात अक्षरशः तुटून पडले. विकास गजानन पांडे व परमेश्वर पाटील असं या दोन्ही तरुणांच नाव असून त्यांच्यावर मलकापूर सामान्य रुग्णालयात उपचार सुरू आहेत. त्यांची प्रकृती गंभीर असल्याने त्यांना तात्काळ जळगाव येथील रुग्णालयात हलविल्याची माहिती मिळत आहे. सध्या बस चालकाने बस धामणगाव बढे पोलीस स्थानकात उभी केली आहे. बस चालक पोलीस स्थानकातच आहे.

Edited By : Siddharth Latkar