संजय राठोड

यवतमाळ : शहरात देखील माकडांचा मोठ्या प्रमाणात संचार सुरु झाला आहे. या दरम्यान (Yavatmal) यवतमाळच्या नेर शहरात माकडाने चांगलाच हैदोस घातला असून रस्त्याने जात असलेल्या व्यक्तींवर माकडाने (Monkey) चक्क हल्ला चढविला. यात तिघे जखमी झाले आहेत. (Latest Marathi News)

यवतमाळ जिल्ह्यातील नेर शहरातील क्रिंडा संकुल आणि शिवाजीनगर परिसरात घडलेल्या घटनेत तिघांना माकडाने चावा घेतला. दरम्यान नेर तालुक्यातील पिंपळगाव येथून शहरात दही विक्री करण्यासाठी आलेल्या ६५ वर्षीय पंजाबराव मनवरे ह्यांच्यावर हल्ला करतांनाचा व्हिडिओ समोर आला आहे. तर रमेश फडके आणि एका लहान मुलावर माकडाने हल्ला (Monkey Attack) केला. यात तिघे जण जखमी झाले असून या घटनेनंतर नेर शहरात भीतीचे वातावरण निर्माण झाले आहेत.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जखमी रुग्णालयात दाखल 

नेर शहरात घडलेल्या या घटनेत दोन लहान मुले व एका वयोवृद्ध व्यक्तीचा समावेश आहे. माकडाने हल्ला केल्यानंतर तिघेही जखमी झाले असून त्यांना लागलीच उपचारासाठी रुग्णालयात दाखल करण्यात आले.