यवतमाळमधून एक धक्कादायक बातमी समोर येत आहे. शेत शिवारातील विहिरीत अल्पवयीन प्रेमीयुगुलांचा मृतदेह आढळला. या घटनेनंतर परिसरात खळबळ उडाली आहे. पोलिसांना माहिती मिळताच त्यांनी घटनास्थळी धाव घेतली. तसेच पंचनामा केला. दरम्यान, प्रेमसंबंधातून दोघांनी आत्महत्या केली असावी, असा प्राथमिक अंदाज त्यांनी व्यक्त केला. या घटनेनंतर परिसरात खळबळ उडाली आहे.

ही धक्कादायक घटना यवतमाळच्या घाटंजी तालुक्यातून उघडकीस आली आहे. जुनोनी शेत शिवारात एक जूनी विहीर आहे. मिळालेल्या माहितीनुसार, काही लोकांना या विहिरीत अल्पवयीन प्रेमीयुगुलांचा मृतदेह आढळला. यामुळे परिसरात मोठी खळबळ उडाली. स्थानिकांना दोघांचे मृतदेह पाण्यात तरंगताना दिसले. त्यांनी तातडीने गावातील इतरांना याची माहिती दिली.

गावकऱ्यांना या घटनेची माहिती तातडीने पोलिसांना दिली. घाटांची पोलिसांनी घटनास्थळी धाव घेत तपासाला सुरूवात केली. तसेच पंचनामा केला. दरम्यान, प्रेमीयुगुल ५ ऑक्टोबरपासून घरातून बेपत्ता असल्याचं समोर आलं. दोन दिवसानंतरही मुलगी सापडली नसल्यामुळे मुलीच्या बापानं पोलीस ठाण्यात धाव घेतली.

तसेच मुलगी हरवल्याची तक्रार दाखल केली. पोलिसांनी शोधकार्य सुरू केले. नंतर दोघांचेही मृतदेह विहिरीत पाण्यात तरंगताना आढळले. दरम्यान, पोलिसांनी अल्पवयीन प्रेमीयुगुलांनी प्रेमप्रकरणातून आत्महत्या केली असल्याचा अंदाज व्यक्त केला. या घटनेनंतर परिसरात काही काळ खळबळ उडाली होती. सध्या पोलिसांकडून अधिक तपास सुरू आहे.