कसारा : गोंदियाहून(Gondia) मुंबईच्या दिशेने येणाऱ्या विदर्भ एक्सप्रेसमध्ये प्रवासी महिलेचा मृतदेह आढळल्याने एकच खळबळ उडाली आहे. ट्रेनच्या इंजिनमध्ये बिघाड झाल्याने ट्रेन कसारा रेल्वे स्थानकावर थांबवण्यात आली होती. त्यावेळी हा प्रकार उघडकीस आला.

विदर्भ एक्सप्रेसच्या इंजिनमध्ये बिघाड झाल्याने एक्सप्रेस कसारा स्टेशनवर थांबवण्यात आली होती.दरम्यान ट्रेनमध्ये एक महिला प्रवासी मयत झाल्याचं आढळून आले आहे. सदर मयत महिला ट्रेनमध्ये एकटीच प्रवास करत होती. महिलेचा मृतदेह कसारा रूग्णालयात हलवण्यात आला आहे . या मृत्यूबाबत दादर येथे असलेल्या नातेवाईकांना कळवण्यात आले आहे.  (Breaking Marathi News)

तांत्रिक बिघाड झाल्यानंतर विदर्भ एक्सप्रेस कसारा रेल्वे स्टेशनला उभी होती. याचा लोकल ट्रेन वाहतूकीवर कोणताही परिणाम झाला नाही. तर या एक्सप्रेसमधील सर्व प्रवाशांना बलिया एक्सप्रेसने कल्याणच्या दिशेने रवाना करण्यात आले आहे. विदर्भ एक्सप्रेसचे इंजिनचे दुरूस्तीचे काम सुरू करण्यात आले होते.