Pandharpur News :

पंतप्रधान नरेंद्र मोदी (pm narendra modi) यांनी मराठा समाजाची आरक्षण (maratha reservation) बद्दलची मन की बात ऐकून घ्यावी अन्यथा मराठा समाज आगामी लोकसभा निवडणुकीत मतपेटीतून त्यांची मन की बात ऐकवेल असा थेट इशारा मराठा क्रांती मोर्चाचे (maratha kranti morcha) राज्य समन्वयक सुनील नागणे यांनी दिला आहे. ते पंढरपूर येथे माध्यमांशी बाेलत हाेते. (Maharashtra News)

सुनील नागणे म्हणाले पंतप्रधान नरेंद्र मोदी यांनी ठरवले तर मराठा समाजाच्या आरक्षणाचा (maratha reservation) प्रश्न अवघ्या काही दिवसात मार्गी लागेल. ते मन की बात मधून दहा वर्ष झाले बोलत आहेत. पण आमच्या मराठा आरक्षण बद्दल का बोलत नाही.

आमचा आरक्षणचा लढा अंतिम टप्प्यात आला आहे. मोदींनी मनावर घेतले तर आरक्षण मिळू शकते. त्यांनी आमची मन की बात ऐकली नाही तर मग मराठा समाज २०२४ मध्ये त्यांची मन की बात मत पेटी मधून दाखवल्या शिवाय राहणार नाही असा इशारा मराठा क्रांती मोर्चा समन्वयक सुनील नागणे यांनी दिला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar