Pandharpur Vitthal Mandir: विठ्ठल रूक्मिणी मंदिर संवर्धनाच्या कामास प्रारंभ, 150 कोटींचा निधी मंजूर

Pandharpur News :

महाराष्ट्राचे आराध्य दैवत असलेल्या पंढरपूरच्या विठ्ठल रूक्मिणी मंदिर‌‌‌ संवर्धन आणि सुशोभीकरणाच्या कामासाठी राज्य सरकारने हिवाळी अधिवेशनात 150 कोटी रूपयांचा निधी मंजूर केला आहे. त्यामुळे हे काम आता वेगाने आणि वेळेत पूर्ण होणार आहे. या कामाला आता प्रत्यक्ष सुरवात झाली आहे. (Maharashtra News)

विठ्ठल मंदिराचे संवर्धन करण्याचा कामासाठी राज्य सरकारने 73 कोटी रूपये मंजूर केले आहेत. हा निधी अपुरा असल्याने तो आता 150 कोटी इतका केला आहे. पहिल्या टप्प्यातील कामासाठी 43 कोटींचा निधी मिळाला असून कार्तिकी यात्रेला (kartki yatra) उपमुख्यमंत्री देवेंद्र फडणवीस (devendra fadnavis) यांच्या हस्ते कामाचा शुभारंभ करण्यात आला आहे.

या कामासाठी उत्तर प्रदेशातून सुमारे 200 प्रशिक्षीत कामगार दाखल झाले आहेत. मंदिराच्या दगडांना मुळ रूप देण्यात येणार आहे. मंदिरातील अंतर्गत दुरूस्ती बरोबरच, मंदिरात नवीन इलेक्ट्रिकची सर्व कामे केली जाणार आहेत. अंतर्गत झालेली पडझड दुरूस्त केली जाणार आहे. एक वर्षात हे काम पूर्ण केले जाणार आहे अशी माहिती विठ्ठल मंदिरातून देण्यात आली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar