सुप्रीम सरकार, साम टीव्ही प्रतिनिधी

Will Manikrao Kokate resign after playing rummy in assembly? : सभागृहात रमी खेळणाऱ्या आणि वादग्रस्त विधान करणाऱ्या कृषीमंत्री कोकाटे राजीनामा देणार की महायुतीच्या वरिष्ठ नेत्यांकडून कोकाटेंना अभय मिळणार? पाहूयात या स्पेशल रिपोर्टमधून...

राज्याच्या पावसाळी अधिवेशनात सभागृहात बसून रमी खेळणारे कृषीमंत्री माणिकराव कोकाटे यांच्या राजीनाम्याची मागणी विरोधकांनी लावून धरली. मात्र अधिवेशन संपून आठवडा उलटला तरी अजित पवारांनी कोकाटेंना जाब विचारलेला नसल्यानं कोकाटेंच्या राजीनाम्याची शक्यता आता धूसर झालीय. मात्र अजित पवारांनी कोकाटेंच्या चुकांबाबत इशारा दिल्याचं स्पष्ट केलंय.. तर कोकाटेंच्या राजीनाम्याबाबतचा चेंडू मुख्यमंत्री देवेंद्र फडणवीस यांच्या कोर्टात टोलवलाय...

दरम्यान अजित पवारांच्या वाढदिवसाच्या निमित्ताने मंत्री आणि आमदारांसाठी स्नेह भोजनाचा कार्यक्रम आयोजित करण्यात आलाय... तिथेच कोकाटेंचा सेंड ऑफ केला जाणार का? असा टोला रोहित पवारांनी लगावलाय... तर दुसरीकडे ठाकरे गटाने थेट राज्यपालांची भेट घेत 5 वादग्रस्त मंत्र्यांचा राजीनामा घेण्याची मागणी केलीय..

माणिकराव कोकाटे, कृषीमंत्री

संजय शिरसाट, सामाजिक न्याय मंत्री

योगेश कदम, गृहराज्यमंत्री

संजय राठोड, मृदा व जलसंधारण मंत्री

नितेश राणे, मत्स्य व्यवसाय मंत्री

मात्र आगामी स्थानिक स्वराज्य संस्थांच्या निवडणुकीत मंत्र्यांच्या राजीनाम्याने फटका बसण्याची शक्यता असल्याने मुख्यमंत्री देवेंद्र फडणवीस यांनी पाचही वादग्रस्त मंत्र्यांना अभय देण्याचे संकेत दिलेत....महायुती सरकारच्या स्थापनेनंतर अवघ्या चार महिन्यात पहिली विकेट पडली. त्यानंतर आता पाच मंत्री विरोधकांच्या हिटलिस्टवर आहेत.. त्यामुळे अवघ्या वर्षभराच्या आतच मंत्रिमंडळाला गळती लागल्यास त्याचा जनतेत नकारात्मक संदेश जाण्याची शक्यता असल्याने मुख्यमंत्री आणि उपमुख्यमंत्री सावध भूमिका घेत असल्याची चर्चा आहे....मात्र तरीही अजित पवार स्नेहभोजनाच्या कार्यक्रमावेळी कृषीमंत्री कोकाटेंना नारळ देणार की अभय देणार? याकडे राज्याचं लक्ष लागलंय...