- रणजीत माजगावकर

Kolhapur News : कोल्हापूर जिल्ह्यातील राधानगरी धरणात (radhanagari dam) पाणीसाठा कमी झाला आहे. पाटबंधारे विभागाकडून कोल्हापूरला पाणीपुरवठ्यासाठी (kolhapur water supply) योग्य प्रमाणात पाण्याचा विसर्ग सुरू आहे. परंतु पाऊस लांबण्याची शक्यता गृहीत धरून कोल्हापूर शहरात आजपासून (गुरुवार) दिवसाआड पाणीपुरवठा करण्यात येत आहे. (Maharashtra News)

संपूर्ण राज्यात पाणीदार जिल्हा म्हणून ओळख असणाऱ्या कोल्हापूर जिल्हासह शहरावर सध्या पाणी कपातीचे संकट निर्माण झाले आहे. महानगरपालिकेच्या वतीने शहरांमध्ये आजपासून एक दिवसाआड पिण्याच्या पाण्याचा पुरवठा केला जात आहे.

कोल्हापूर शहराला राधानगरी धरणातून पाणी पुरवठा केला जातो. राधानगरी धरणातून सुरू असलेल्या पाण्याच्या विसर्गानुसार 22 ते 25 दिवस पाणी पुरणार आहे. तर पंचगंगेच्या पातळी कमी झाल्याने शहरात एक दिवस आड पाणीपुरवठा करण्याचा निर्णय महानगरपालिकेने घेतलेला आहे. त्यामुळे सध्या शहरात 51 ठिकाणी टँकरने पाणीपुरवठा केला जात आहे.

पाऊस लांबण्याची शक्यता गृहीत धरून हा निर्णय घेण्यात आला आहे. त्यामुळे नागरिकांनी पाण्याचा काटकसरीने वापर करावा असे आवाहन काेल्हापूर महापालिकेच्यावतीने करण्यात आले आहे.

Edited By : Siddharth Latkar