चेतन व्यास
वर्धा : वर्धा जिल्ह्यात मोठ्या प्रमाणात सोयाबीनची लागवड करण्यात आली आहे. परंतु सोयाबीन पीक पिवळे (Wardha) पडत असल्याने उत्पादनात घट होण्याची शक्यता आहे. यामुळे शेतकऱ्यांना (Farmer) मदत मिळावी यासाठी बीआरएसची तहसील कार्यालयावर धडक देत मदतीची मागणी केली आहे. (Tajya Batmya)

भारत राष्ट्र समितीचे उमेश वावरे यांच्या नेतृत्वात आज वर्धेच्या हिंगणघाट येथील तहसील कार्यालयावर मोर्चा काढत धडक देण्यात आली. वर्धा जिल्ह्यात सोयाबीनचे पीक (Soyabean Crop) मोठ्या प्रमाणात पिवळे पडत आहे. यामुळे शेतकऱ्यांच्या उत्पन्नात मोठ्या प्रमाणात घट होणार आहे. शेतकऱ्यांना याचा मोठ्या प्रमाणात आर्थिक फटका बसणार आहे. शेतात केलेला खर्च निघणे देखील शक्य नसल्याने शेतकरी आर्थिक संकटात सापडला आहे..

दिला आंदोलनाचा इशारा 

सोयाबीन पिवळे पडत असल्याने तातडीने कृषी अधिकाऱ्यांमार्फत सर्वेक्षण करत शेतकऱ्यांना हेक्टरी ५० हजार रुपये आर्थिक मदत करण्यात यावी. तसेच शेती पीकांवर आलेल्या संकटावर उपाययोजना करण्यात यावी. ही मागणी यावेळी करण्यात आलीय. मागणी मान्य न झाल्या मोठ्या प्रमाणात आंदोलन करण्यात येईल असा इशाराही यावेळी देण्यात आलाय.