मनोज जयस्वाल, साम टीव्ही

Wardha Crime News: वाशिम जिल्ह्यातून एक धक्कादायक घटना समोर आली आहे. एका १७ वर्षीय अल्पवयीन मुलीवर ४२ वर्षीय नराधमाने बलात्कार केला. ही संतापजनक घटना बुधवारी (३० ऑगस्ट) दुपारच्या सुमारास घडली.

याप्रकरणी पीडित मुलीच्या आईने दिलेल्या फिर्यानुसार पोलिसांनी आरोपीविरोधात गुन्हा दाखल केला असून त्याला अटक देखील केली आहे. या घटनेनं परिसरात मोठी खळबळ उडाली आहे.(Latest Marathi News)

गजानन गवई (वय ४२ वर्षे ) असं अटक करण्यात आलेल्या आरोपीचं नाव आहे. वाशिमच्या मालेगाव (Washim News) पोलीस ठाणे हद्दीत असलेल्या एका गावात ही घटना घडली. प्राप्त माहितीनुसार, पीडित मुलीचे आई-वडील काही कामानिमित्त बाहेरगावी गेले होते.

दुपारच्या सुमारास १७ वर्षीय घरात एकटीच होती. याच गोष्टीची संधी साधून आरोपी पीडितेच्या घरात शिरला. घराचा दरवाजा बंद करत त्याने पीडित मुलीला आतल्या खोलील खेचत नेलं. त्यानंतर तिच्यावर बलात्कार (Crime News) केला. याबाबत कुणाकडे वाच्यता केल्यास जीवे मारण्याची धमकी सुद्धा दिली.

या घटनेनंतर आरोपीने तेथून पळ काढला. दरम्यान, पीडितेला वेदना असह्य झाल्याने तिने आई घरी येताच आपल्यासोबत घडलेला प्रकार कथन केला. मुलीवर बलात्कार झाल्याचं समजतास आईच्या पायाखालची जमीनच सरकली. तिने तातडीने मुलीला घेऊन पोलीस ठाणे गाठले.

पीडितेच्या आईने फिर्याद दिल्यानंतर मालेगाव पोलिसांनी (Police) गुन्हा दाखल करत आरोपीच्या मुसक्या आवळल्या आहेत. या घटनेनं परिसरात मोठी खळबळ उडाली आहे. घटनेचा अधिकचा तपास ठाणेदार दत्तात्रय आव्हाळे यांच्या मार्गदर्शनाखाली महिला पोलिस उपनिरीक्षक सारिका नारखेडे करीत आहेत.

Edited by - Satish Daud