चेतन व्यास, वर्धा

एकीकडे मुलबाळ नाही म्हणून कित्येक आई-वडील देवाचा धावा करतात. तर दुसरीकडे मुलाला जन्माला घालून त्याची हत्या करण्यात येते. किंवा बेवारस वाऱ्यावर सोडलं जात. या घटना महाराष्ट्रात दिवसेंदिवस वाढत आहेत. अशाच प्रकारची मन सुन्न करणारी घटना वर्ध्यातून समोर आली आहे. जिल्हा सामान्य रुग्णालयात आज सकाळी महिला प्रसाधनगृहात मृत अर्भक आढळून आल्याने खळबळ माजलीय. हा अर्भक पुरुष जातीचा आहे की महिला जातीचा हे अद्याप कळू शकले नसून त्याला डीएनए साठी पाठविण्यात आले आहे. अहवालनंतर नेमके कारण समजू शकणार आहे.

मिळालेल्या माहितीनुसार, सकाळच्या सुमारास स्त्री रोग विभागाच्या बाजूला असलेल्या महिला प्रसाधन गृहात सफाई कर्मचारी गेले असता, तेथे मोठ्या प्रमाणात रक्त सांडलेले पाहायला मिळाले. पाहणी केली असता तेथीलच निळ्या रंगाच्या डस्ट बिनमध्ये एक मृत अवस्थेत अर्भक आढळून आले.

घटनेची माहिती वाऱ्यासारखी पसरताच रुग्णालयातील नागरिकांनी तेथे गर्दी केली.अर्भक नेमका कोणाचा या चर्चेला सुरुवात झाली. रुग्णालयातील अधिकाऱ्यांनी रुग्णालयात उपचार घेणाऱ्या महिलांची माहिती घेतल्यावर त्यापैकी कोणाचाही हा अर्भक नसल्याचं प्राथमिक अंदाज लावण्यात आला. घटनास्थळी पोलिसांसह अधिकाऱ्यांनी भेट देत प्रकरणाच्या तपासाला सुरुवात केली आहे.

जिल्हाधिकारी सामान्य रुग्णालयात सगळीकडे सिसिटीव्ही कॅमेरे लावलेले आहेत. मात्र या परिसरात कॅमेरे नसल्याने नेमका अर्भक कोणाचा याचा खुलासा झाला नाही. या प्रकरणाचा तपास पोलिसांकडून केला जातं असून रुग्णालयातील कॅमेरे तपासले जातं आहे. या प्रकरणी पोलिसांनी गुन्हा दाखल केला आहे.