- रामनाथ ढाकणे

Chhatrapati Sambhajinagar News :

गेल्या दोन दिवसांपूर्वी झालेल्या अवकाळी पावसाने मराठवाड्यातील छत्रपती संभाजीनगर आणि जालना या दोन जिल्ह्यांना चांगलाच तडाखा बसला आहे. या अवकाळी पावसाचा जवळपास 12 हजार 859 हेक्टरला फटका बसल्याचा प्राथमिक अंदाज कृषी विभागाने वर्तविला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कृषी विभागाकडून सध्या नुकसानीचे पंचनामे सुरु आहेत. अंतिम क्षेत्र लवकरच कळणार असल्याचंही कृषी विभागाकडून संगण्यात आले आहे. छत्रपती संभाजीनगर जिल्ह्यातल्या सर्वच तालुक्यात कृषी विभागाच्या प्राथमिक अंदाजानुसार गहू, हरभरा, ज्वारी आणि कांदा आदी पिकांसह जवळपास १ हजार २६६ हेक्टर वर 33 टक्के पेक्षा जास्त नुकसान झाले आहे.

दुसरीकडे जालना जिल्ह्यात तब्बल 11 हजार 95 हेक्टर वरील नुकसान झाले आहे. पिके जमीनदोस्तही झाल्याचं बघायला मिळालं. यामुळे शेतकरी पुन्हा एकदा चांगलाच अडचणीत सापडला आहे. शासनाने तात्काळ नुकसानीचे पंचनामे करावे आणि आर्थिक मदत द्यावी अशी मागणी शेतकरी वर्गातून होत आहे. (Maharashtra News)

Edited By : Siddharth Latkar