जालना : पंतप्रधान नरेंद्र मोदी पुणेकरांच्या आग्रहास्तव पुण्यात येतायत, त्यामुळे शरद पवार काय बोलतात यापेक्षा युक्रेनमधील (Ukraine) विद्यार्थ्यांना भारतात आणणे जास्त महत्वाचे असल्याचे मत व्यक्त करत केंद्रीय अर्थ राज्यमंत्री भागवत कराड (Bhagvat Karad) यांनी शरद पवारांना प्रत्युत्तर दिले आहे. ६ मार्च रोजी पंतप्रधान नरेंद्र मोदी (Narendra Modi) यांच्या हस्ते पुणे मेट्रोचं उद्घाटन होणार आहे.

हे देखील पाहा :

या उद्घाटनावरून राष्ट्रवादीचे नेते शरद पवार (Sharad Pawar) यांनी पंतप्रधानांवर टिका केली. पुणे मेट्रोचं (Pune Metro) काम अर्धवट असल्याचं सांगत उद्घाटनापेक्षा युक्रेनमध्ये अडकलेल्या विद्यार्थ्यांना देशात आणणं महत्वाचं आहे असं सांगत शरद पवारांनी पंतप्रधानांवर टीका केली. दरम्यान याच टीकेला केंद्रीय अर्थ राज्यमंत्री भागवत कराड यांनी पवारांना प्रत्युत्तर दिलंय.

शरद पवार काय बोलतात यापेक्षा युक्रेनमध्ये अडकलेल्या विद्यार्थ्यांना देशात परत आणण्यासाठी युक्रेनच्या चारही बाजूला 4 मंत्री उपस्थित असून त्यांना विद्यार्थ्यांना सोबत घेण्यासाठी आणि त्यांच्या स्वागतासाठी सरकारकडून मंत्री पाठवण्यात आल्याचे कराड यांनी सांगितले. ते जालन्यात आले असता माध्यमांशी बोलत होते.

Edited By : Krushnarav Sathe