राज्यातील महापालिका निवडणुका तोंडावर येऊन ठेपल्यात.. ठाकरेसेनेनं मुंबई महापालिकेसाठी रणशिंग फुंकलयं...उद्धव ठाकरेंनी मागाठाण्यातील मालवणी महोत्सवात थेट देवाकडे गाऱ्हाण घातलयं....2012 च्या महोत्सवात गाऱ्हाणं घातलं होतं तेव्हा सुनील प्रभू महापौर झाल्याची आठवणही त्यांनी करुन दिलीय....

दरम्यान सुनील प्रभूंनीही जुन्या आठवणींना उजाळा देत.. महापौर पदासाठी घेतलेल्या गाऱ्हाण्याबद्दल सांगितलयं...मात्र या गाऱ्हाण्य़ावरून भाजपनं ठाकरेसेनेवर जोरदार हल्लाबोल केलाय...निवडणुकीनंतर उद्धव ठाकरे देवाला विसरतात.., अशी टीका मंत्री चंद्रशेखर बावनकुळेंनी केलीय.

सत्याचा मोर्चानंतर ठाकरेसेनेनं मुंबई महापालिका जिंकण्यासाठी चांगलीच कंबर कसलीय.. सेना भवनवर ठाकरेंनी पक्षातील प्रमुख पदाधिकाऱ्यांच्या बैठका घेऊन पालिकेसाठी रणनिती आखण्याची तयारी सुरु केलीय.. त्यामुळे आगामी मुंबई महापालिका निवडणुकीत भाजप विरुद्ध ठाकरेसेना असं चित्र पाहायला मिळणार आहे.. त्यात उद्धव ठाकरेंनी देवाकडे गाऱ्हाणं घालून थेट सत्ताधाऱ्यांनाच आव्हानं दिलयं... त्यामुळे महापालिका निवडणुकीत जनता कोणाला कौल देते...मुंबईचा पुढचा महापौर कोण बनतो? हे पाहणं महत्त्वाचं ठरणार आहे...