सोलापूर : उद्धव ठाकरे यांनी सोलापुरातील जाहीर सभेत शिवसेना फुटीवरून न्याय व्यवस्थेवर प्रश्न उपस्थित केले आहेत. ठाकरेंनी शिवसेना फुटीच्या निर्णयावरून माजी सरन्यायाधीश चंद्रचूड यांना टोला लगावला आहे. तसेच यावेळी उद्धव ठाकरे यांनी महायुती आणि शिंदे गटावर कडाडून टीका केली.

उद्धव ठाकरे यांच्या भाषणातील मुद्दे

देशाचे पंतप्रधान देशाचा कारभार सोडून मतांचा जोगावा मागण्यास महाराष्ट्रात फिरत आहेत.

स्वतःच्या चेहऱ्यावर मत मागायला लाज वाटत असल्याने बाळासाहेब ठाकरे यांच्या चेहऱ्यावर मत मागत आहेत.

काही वर्षांपूर्वी मोदी यांनी नोटबंदी केली होती. त्यानंतर महाराष्ट्राने मोदींची नाणेबंदी केली आहे.

महाराष्ट्रात मोदींची गॅरंटी चालत नाही. आज मोदी नांदेडमध्ये होते. मी ही तिथेच होतो. सुदैवाने त्यांचं दर्शन झालं नाही. मोदींनी मला आवाहान दिलं आहे.

नरेंद्र मोदींचे भाषण लिहिणारे सुट्टीवर गेले असेल. त्यांचं टेलीप्रॉम्पटर बिघडलं असेल. शिंदेंचा टेलिप्रॉम्पटर धरण फोडणारा खेकडा आहे. राहुल गांधी यांनी बाळासाहेबांच्या स्मृतिस्थळावर जाऊन अभिवादन केलं. आपण बघितलं नसेल तर मी तुम्हाला व्हिडीओ पाठवत.

मी भाजपला लाथ मारली. कारण मला घर पेटवणारं हिंदुत्व मान्य नाही. भाजपला हिंदू मुसलमान दंगे भडकवायचे आहेत. मराठी माणसांत जातीजातीत दंगे पेटवयाचे आहेत.

आपण आता नवीन गुलाबी जॅकेट सोबत घेतलं आहे. त्यांनी मुंबईत नवाब मलिक हे उमेदवार उभे केले आहेत.

मुंबईत मोदीजी, तुम्ही येणार आहात. नवाब मलिकांना व्यासपीठावर घेणार आहात का? अजित पवार म्हणतात, नवाब मालिकांच्या प्रचाराला जाणारच.

राहुल गांधी यांनी मला बाळासाहेब यांची नकली संतान म्हणले नाहीत, ते पाप मोदींनी केलं. मोहन भागवत जामा मशीदमध्ये गेले. मोदी मशीदमध्ये जातात, चंद्राबाबूचा जाहीरनामा तुम्हाला मान्य आहे का?

तिसरे न्यायमूर्ती निवृत्त झाले. आम्ही आता न्याय कुठे यमाई देवीकडे न्याय मागायचा? चंद्रचूड साहेबांना सदबुद्धी मिळायला पाहिजे होती. मात्र आता चौथे नायायमूर्ती आले, आम्ही न्याय मागायचा कोणाकडे?