Security of Uddhav Thackeray: उद्धव ठाकरे आणि त्यांच्या कुटुंबियांची सुरक्षा व्यवस्था कमी केल्याची बातमी माध्यमांमध्ये प्रसारित झाली होती. उद्धव ठाकरे यांच्या ताफ्यातील अतिरिक्त वाहनं आणि मातोश्रीबाहेरील सुरक्षा व्यवस्थाही कमी करण्यात आल्याचे वृत्त होते. मात्र गृह विभागाने या वृत्ताचे खंडन करत याबाबत स्पष्टीकरण दिले आहे.

गृह विभागाने एक निवेदन जारी करून सांगितले की, शासन निर्णय २७ ऑक्टोबर २०२२ नुसार मान्यवरांना वर्गीकृत संरक्षण पुरविण्यात येते. त्यानुसार माजी मुख्यमंत्री उद्धव ठाकरे यांना झेड प्लस सुरक्षा पुरविण्यात येत आहे. (Marathi Tajya Batmya)

तसेच श्रीमती रश्मी ठाकरे यांना वाय प्लस एस्कॉर्ट, माजी मंत्री आदित्य ठाकरे यांना झेड, तेजस ठाकरे यांना वाय प्लस एस्कॉर्ट ही वर्गीकृत सुरक्षा पुरविण्यात येत आहे, असे गृह विभागाने सांगितले आहे. (Latest Marathi News)

तसेच, सदरचे वर्गीकृत संरक्षण हे केंद्रीय यल्लो बुक नियमानुसार विशेष सुरक्षा विभाग, महाराष्ट्र राज्य मार्फत पूर्णपणे देण्यात येत आहे. वर्गीकृत संरक्षणाचे कुठलेही घटक कमी करण्यात आले नाही असे स्पष्टीकरण नियंत्रण कक्ष अधिकारी, विशेष सुरक्षा विभाग, दादर, मुंबई यांनी दिलेल्या खुलाशात नमूद केले आहे. (Latest Political News)