Satara : पेंटिंग बाबतची चर्चा मला माध्यमांमधून समजली. पेंटिंगवरून कोणताही वाद झालेला नाही. किरकोळ गैरसमज झाला होता. मात्र वाद वगैरे काही नाही असे खासदार उदयनराजे भोसले (Udayanraje Bhosale) यांनी आज सातारा (satara) येथे माध्यमांशी बाेलताना स्पष्ट केले. (Maharashtra News)

शिवेंद्रराजेंची इच्छा असेल तर...

खासदार उदयनराजे भोसलेंनी आमदार शिवेंद्रराजे भोसले यांनी केलेल्या टीकेला प्रत्युत्तर दिले. शिवेंद्रराजे यांनी उदयनराजेंचे चित्र संपूर्ण अजिंक्यतारा किल्ल्यावर काढायला हरकत नाही असा टोमणा मारला होता. यावर उदयनराजेंनी त्यांची इच्छा असेल तर विचार करायला हरकत नाही अशी टिप्पणी केली.

...तर लाेक तुमचे ही पेटींग काढतील

उदयनराजे म्हणाले लोकांचे प्रेम असल्यामुळे ते माझे पेंटिंग काढतात. तुम्हीही लोकांची सेवा करा. लाेकांमध्ये तुमच्याबद्दल प्रेम निर्माण हाेईल आणि त्यांचे देखील पेंटिंग काढली जातील असेही उदयनराजेंनी आमदार शिवेंद्रराजे यांचे नाव न घेता नमूद केले.

मी श्रेयवादात पडणार नाही

मागील 35 वर्षाच्या काळात नगर विकास आघाडीची सत्ता असताना काय झालं आणि आता आमची सत्ता असताना 10 वर्षात नेमकं काय बदल होतोय ते पहा याबाबत मी श्रेयवादात पडणार नाही ते म्हणत असतील त्यांनी केलं तर आमचा नकार नाही. मात्र याआधी साताऱ्याचा विकास का झाला नाही याचा विचार व्हायला हवा असा सवाल खासदार उदयनराजे भोसले यांनी केला.

Edited By : Siddharth Latkar