Palghar News:

पालघरमधून एक दु:खद बातमी समोर आली आहे. जनावरांना चारा आणण्यासाठी गेलेल्या दोन बहिणींचा नदीच्या प्रवाहात बुडून मृत्यू झालाय. डहाणू तालुक्यातील दह्याळे येथे ही घटना घडलीये. सदर घटनेमुळे कुटुंबावर शोककळा पसरली आहे. (Latest Marathi News)

घटनेबाबत अधिक माहिती अशी की, गंगी करबट (वय वर्ष ६० )आणि गुलबी दांडेकर (वय वर्ष ५८) अशी दोन मयत बहिणींची नावे आहेत. एकीचा मृतदेह शोधण्यात प्रशासनाला यश आलंय तर दुसरी बहीण अजूनही बेपत्ता आहे. जिल्ह्यात झालेल्या मुसळधार पावसामुळे नदीच्या वाढलेल्या पाण्याच्या प्रवाहाचा अंदाज न आल्याने दुर्घटना घडली आहे.

घटनेची माहिती मिळताच कासा पोलीस घटनास्थळी दाखल झाले. पोलीस दुसऱ्या बहिणीचा शोध घेत आहेत. मात्र अद्याप तिचा शोध लागलेला नाही. जनावरांसाठी चार आणण्यासाठी दोन्ही बहिणी गेल्या होत्या. यावेळी अचानक नदीच्या पाण्याचा प्रवाह वाढला. त्यामुळे दोघीही पाण्याच्या प्रवाहात वाहून गेल्या.