Shreya Maskar
दिवाळी म्हटले की, बर्फी, मिठाई आलीच. मिठाई खरेदी करताना ती भेसळयुक्त नाही ना हे तपासा. मिठाई खरेदी करताना कोणते घटकांचा विचार करावा, जाणून घेऊयात.
पेढे, बर्फी, लाडूंचा रंग अस्वाभाविकपणे चमकदार किंवा एकसारखा भडक दिसत असल्यास सावध राहा. यात खाण्याचा रंग अतिरिक्त प्रमाणात टाकलेला असू शकतो. जो आरोग्यास घातक ठरतो.
ताजा खवा सामान्यतः दुधासारखा सौम्य वास देतो. आंबट, कुबट किंवा विचित्र वास येत असल्यास तो खाऊ नका.
मिठाईवरील वर्ख अन्नासाठी सुरक्षित आहे का, याची खात्री करा. दिसण्यावरून चांदी आणि ॲल्युमिनियमचा वर्ख नेहमी वेगळा ओळखता येत नाही. शंका असल्यास वर्ख असलेली मिठाई घेणे टाळा.
माशा बसणारी, धूळ साचलेली किंवा अस्वच्छ ट्रेमध्ये ठेवलेली मिठाई खरेदी करू नका. मिठाई झाकून ठेवली आहे का, हे पाहा.
मिठाई हाताळताना स्वच्छता राखली जाते का, साठवण योग्य आहे का आणि थंड ठेवणे आवश्यक असलेले पदार्थ योग्य तापमानात ठेवले आहेत का, हे तपासा.
पॅकबंद मिठाईवर उत्पादन किंवा पॅकिंगची तारीख, एक्सपायरी डेट, घटकांची माहिती आणि FSSAI परवाना क्रमांक तपासा. सुट्या मिठाईच्या ट्रेवरही उत्पादन व Best Before तारीख पाहा.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.