Chandrapur Accident News : स्पोर्ट्स बाईकच्या भीषण अपघातात चंद्रपुरातील दोन मित्रांचा जागीच मृत्यू झाला आहे. बाईकवरील नियंत्रण सुटल्याने हा अपघात झाल्याची माहिती समोर येत आहे. चंद्रपूर जिल्ह्यातील भद्रावती तालुक्यातील चंदनखेडा फाट्याजवळ नागपूर-चंद्रपूर महामार्गावर ही घटना घडली. (Accident News)

दोघेही तरुण वरोरा शहरातील रहिवासी होते. हर्षल पाचभाई ( वय २२ वर्ष) आणि अंकुश भडगरे ( वय २३ वर्ष) अशी त्यांची नावं आहेत. दोघांच्या मृत्यूने परिसरात हळहळ व्यक्त केली जात आहे.    (Latest News)

हर्षल आणि अंकुश भद्रावतीला जात होते. चंदनखेड फाट्याजवळ पोलिसांनी नागपूर चंद्रपूर महामार्गावर बॅरिकेड्स उभारले होते. या बॅरिकेड्सला बाईकने जोरदार धडक दिली. ही धडक इतकी जोरदार होती की दोन्ही तरूणांचा घटनास्थळीच मृत्यू झाला.

अंकुश आणि हर्ष बीएमडब्ल्यू जी ३१० आरआर बाईकवरून प्रवास करत होते. या बाईकची किंमत जवळपास ३ लाख रुपये असल्याचे सांगितले जात आहे.