प्री स्कूल आणि डे केअरमध्ये मुलांच्या होणारा छळ तसा नवा नाही....या घटना तुम्ही अनेकदा पाहत असतात आणि ऐकत असतात...मात्र छत्रपती संभाजीनगरमध्ये समस्त पालकवर्गाच्या डोळ्यात झणझणीत अंजन घालणारा आणि तितकाच धक्कादायक प्रकार समोर आलाय. सिडको परिसरातील फर्स्टक्राय इंटेलिटॉट्स प्रीस्कूलमधील 23 महिन्यांच्या मुलाला तीन वर्षांच्या मुलानं बेदम मारहाण केल्याचा अतिशय धक्कादायक आणि पालकांना सावध करणारा प्रकार घडलाय. होय...तीन वर्षांच्या मुलानं दोन वर्षांच्या मुलानं बेदम मारहाण केलीय...हा सर्व प्रकार सीसीटीव्हीत कैद झालाय. मात्र हे घडलंय प्री स्कूलमधल्या बेजबाबदार कर्माचाऱ्यांमुळे...

नेमकं काय घडलं?

संभाजीनगरातल्या नामांकित प्री स्कूलमध्ये

पालकांनी 2 वर्षांच्या चिमुकल्याला सोडलं

केअर टेकर मुलांना आत कोंडून बाहेरून दरवाजा लॉक करून निघून गेली

त्यानंतर एका 3 वर्षांच्या मुलानं द

चिमुकल्याच्या चेहरा, नाक, ओठ, छाती, पाठ आणि तळपायावर जखमा

घटनेनंतरही मुलाला रुग्णालयात न नेल्याचा आरोप, 6 जणांविरोधात गुन्हा

दरम्यान, 23 महिन्यांच्या चिमुकल्याला तब्बल 45 मिनिटं मारहाण झाली, तेव्हा एकही शिक्षक तिथे उपस्थित नसल्याचं समोर आलंय. इतकंच नव्हे तर हे सगळं प्रकरण पोलिसांत गेल्यानंतर शाळा व्यवस्थापनानं केस मागे घेण्यासाठी 10 लाख रुपये आणि मुलाला 3 वर्षे मोफत शिक्षणाचं आमिष दाखवल्याचा गंभीर आरोप चिमुकल्याच्या पालकांनी केलाय.

एकीकडे, या गंभीर प्रकारानंतर आता शिक्षण विभाग खडबडून जागा झाला असून शाळेची चौकशी करण्यात येतेय. तर दुसरीकडे, या अमानुष कृत्यामुळे या चिमुरड्याच्या बालमनावर परिणाम होण्याची भीती व्यक्त केली जातेय.

याप्रकरणी एमआयडीसी सिडको पोलिसात एकूण 7 जणांविरोधात गंभीर गुन्हे दाखल करण्यात आलेत. केवळ शाळा प्रशासनाचा बेजबाबदारपणाच नाही, तर मोठा बेकायदेशीर कारभारही समोर आलाय. या नामांकित प्रीस्कूलकडे महानगरपालिकेची कोणतीही आवश्यक परवानगी नसल्याची खळबळजनक माहिती समोर आलीये. त्यामुळे परवानगी नसतानाही राजरोसपणे प्रीस्कूल सुरू ठेवणाऱ्या शाळा व्यवस्थापनांत इतकी मग्रुरी येते कुठून?. इतकंच नव्हे तर 3 वर्षांच्या चिमुकल्यामध्ये इतकी क्रुरता येते कुठून?, हाच खरा प्रश्न आहे...

माधव सावरगावे, साम टिव्ही न्यूज, छत्रपती संभाजी