Sangli News :

सांगली जिल्ह्यातील वाळवा तालुक्यातील शेगाव येथे अज्ञात चोरट्यांनी दिवसाढवळ्या धुमाकूळ घातला. गावाच्या पुर्व बाजूला शेतात असलेल्या ऊस तोडणी मजुरांच्या सोळा झोपड्या चोरट्यांनी साफ केल्या. पाेलिसांना घटनेची माहिती कळताच त्यांनी मजूरांच्या खाेपाटवर भेट दिली. (Maharashtra News)

पाेलिसांकडून मिळालेल्या माहितीनूसार सुमारे सोळा मजूरांच्या झोपडीतील पत्र्याच्या पेट्या फोडून चोरट्यांनी सोन्या चांदीचे दागिने व रोख रक्कम लंपास केले आहे. याबरोबर धान्य, चटणी, मिठ, मुलांचा खाऊ देखील नेला आहे.

ऊस तोडणी मजूर महिलांनी ऊसाचे वाढे विकून साठवलेल्या पैशांवर चोरट्यांनी डल्ला मारला. पोलिसांनी अज्ञात चोरट्यांविरूध्द आष्टा पाेलिस ठाण्यात गुन्हा दाखल केला आहे. या घटनेचा पाेलिस कसून तपास करीत आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar