सांगली : सांगलीच्या (Sangli) आपटा पोलीस चौकी रस्त्यावरील युनियन बँकेच एटीएम (ATM) फोडणाऱ्या चेतन जाधव आणि वैभव पाटील या दोघांना विश्रामबाग पोलिसांनी (Vishram Baug) ताब्यात घेतले आहे. दरम्यान या घटनेतील चोरटे सीसीटीव्ही कॅमेरात कैद झाले आहेत. तसेच एका अल्पवयीन मुलास ही ताब्यात घेण्यात आले आहे. या तिघांची पाेलिस (police) कसून चाैकशी सुरु आहे. (sangli latest marathi news)

पाेलिसांनी दिलेल्या माहितीनूसार कॉलेज कॉर्नर ते आपटा पोलीस चौकी रस्त्यावर युनियन बँकेचे एटीएम आहे. मध्यरात्री तीनच्या सुमारास तिघांनी एटीएम फोडण्याचा प्रयत्न केला. त्यात त्यांना यश आले नाही. दरम्यान भितीपाेटी त्यांनी एटीएम केंद्रातील सीसीटीव्ही कॅमेरे पळवून नेले.

या प्रकरणाचा तपास करताना विश्रामबाग पोलिसांनी त्यांना मिळालेल्या सीसीटीव्ही फुटेजनूसार रविवारी तिघांना ताब्यात घेतलं. या तिघांकडून आणखी काही चोऱ्या उघडकीस येण्याची शक्यता पोलिसांनी वर्तवली आहे.

Edited By : Siddharth Latkar