World Cup: स्मृती मानधनाला बाद करण्यासाठी ट्रायॉनची अप्रतिम डाईव्ह (व्हिडिओ पहा)

ख्राईस्टचर्च : महिला विश्वकरंडक (ICC Women's World Cup 2022) स्पर्धेत आज भारतीय संघानं दमदार फलंदाजी केली. टीम इंडियानं (India) दक्षिण आफ्रिकेपुढं (south africa) २७५ धावांचे लक्ष ठेवले आहे. दरम्यान धडाकेबाज फलंदाजी करणा-या स्मृती मानधनाचा (Smriti Mandhana) क्लो ट्रायॉनने (Chloe Tryon) घेतलेला झेल क्रीडारसिकांमध्ये (sports) चर्चेचा विषय ठरला आहे. (icc womens world cup cricket latest marathi news)

मानधना धडाकेबाज फलंदाजी करत होती. मसाबता क्लासच्या (Masabata Klaas) गोलंदाजीवर तिने थोडी जागा तयार केली आणि चेंडू मिडऑफवर उचलण्याचा प्रयत्न केला परंतु तिला पुरेशी ऊर्जा मिळाली नाही. त्यानंतर ट्रायॉनने मिड-ऑफमधून चेंडूकडे डायव्हिंग केले आणि तळव्याने झेल घेतला.

क्लो ट्रायॉनने घेतलेला झेलमुळे स्मृती पॅव्हिलियनमध्ये गेली. तिने आजच्या सामन्यात ८४ चेंडूत एक षटकार आणि सहा चाैकारांसह ७१ धावा केल्या.

Edited By : Siddharth Latkar