नांदेड : सार्वजनिक बांधकाम मंत्री अशोक चव्हाण (Ashok Chavan) यांच्या नेतृत्वाखाली कांग्रेसने अर्धापूर आणि नायगाव मध्ये एक हाती सत्ता मिळवली मात्र माहूर मध्ये काँग्रेसला धक्का बसला आहे. नाराज शिवसेनेने राष्ट्रवादीशी जवळीकता साधत कांग्रेसला सत्तेपासून दूर ठेवले आहे.

नांदेड जिल्ह्य़ातील अर्धापूर आणि नायगाव नगरपंचतीत कांग्रेसचे एक हाती वर्चस्व असल्याने नगराध्यक्ष आणि उपनगराध्यक्ष पदाची निवडणूक बिनविरोध झाली तर माहूर मध्ये राष्ट्रवादी काँग्रेसने शिवसेनेशी (Shivsena) आघाडी करत नगरपंचायतीवर पुन्हा एकदा वर्चस्व सिद्ध केलं आहे.

माहूर नगरपंचायतीसाठी आज झालेल्या निवडणुकीत काँग्रेसला सत्तेपासून बाजूला ठेवत नगराध्यक्षपदी राष्ट्रवादी काँग्रेसचे (NCP) सरफराज दोसानी तर उपनगराध्यक्षपदी नाना लाड हे विजयीझाले. तर नायगाव नगरपंचायतीत 17 पैकी 17 जागा कांग्रेसच्या ताब्यात असल्याने नगराध्यक्षपदी गिता जाधव तर उपनगराध्यक्षपदी विजय चव्हाण यांची बिनविरोध निवड करण्यात आली आहे, तर अर्धापूर वर ही काँग्रेसचा वरचष्मा असल्याने नगराध्यक्षपदी छत्रपती कानोडे तर उपनगराध्यक्षपदी यास्मीन सुलतान यांची बिनविरोध निवड करण्यात आली आहे.

निवडीची घोषणा होताच ठिकठिकाणी कार्यकर्त्यांनी जल्लोष व्यक्त केला. सार्वजनिक बांधकाम मंत्री अशोक चव्हाण यांच्या नेतृत्वाखाली काँग्रेसने अर्धापूर आणि नायगाव मध्ये एक हाती सत्ता मिळवली मात्र माहूर मध्ये काँग्रेसचा प्रयोग फसला आहे. काँग्रेसवर नाराज असलेल्या शिवसेनेने राष्ट्रवादीशी जवळीकता साधत काँग्रेसला सत्तेपासून दूर ठेवले आहे.

Edited By - Jagdish Patil