कन्नड : मुसळधार पावसामुळे शेतीतील कामे करुन घरी परतणाऱ्या आडगाव येथील रहिवासी कुटुंबांवरती काळाने घातला आहे. कन्नड तालुक्यात शुक्रवारी मुसळधार पाऊस झाला या पावसामुळे आडगाव - जेहुर (Adgaon - Jehur) येथील लेंडी नदीला अचानक पुर आला. नदीला पूर आल्याने शेतातून घरी येत परतत असलेली बैलगाडी उलटल्याने ८ जण पाण्यात पडले. या दुर्घटनेत २ मुली व एका महिलेचा दुर्दैवी मृत्यू झाला.

या अपघातातील एका मुलीचा व महिलेचा मृतदेह मिळाले आहेत. मात्र, पुजा सोनवणे वय वर्ष १६ ही पुराच्या पाण्यात वाहून गेली असून शनिवारी दिवसभर पुजाला शोधण्यासाठी अग्निशमन दलाच्या (Fire Brigade) पथकासह स्थानिक नागरिकांनी शोध मोहीम राबवली. मात्र, या पथकाला यश आलं नाही.

कन्नड (Kannada) तालूक्यातील आडगाव जेहूर परीसरात ढगफूटी सारखा जोराचा पाऊस व विजेच्या कडकडासह सूरू झाल्याने अनेक शेतकऱ्यांसह शेत मजूरांनी घराचा रस्ता धरला. यावेळी आडगाव येथील रहिवासी विकास दिलिप बहिरव हे आपल्या कुटुंबासोबत शेतीच्या मशागतीचे काम करण्यासाठी बैलगाडी घेऊन गेले होते. त्यांच्यासोबत घरातील काही लोक व शेतमजूरही होते. ते घराकडे परतत असतानाच लेंडी नाल्याला अचानक पाण्याचा मोठा लोंढा आला.

हे देखील फाहा -

अचानक आलेल्या या पाण्याच्या लोंढ्याचा अंदाज न आल्याने बैलगाडी उलटली यावेळी बैलगाडीत असणारे विलास दिलीप बहिरव, ज्योतीबाई वाल्मिक सोनवणे, ऊषाबाई सोनवणे, समिक्षा सोनवणे, कोमल विकास बहिरव हे ५ जण कसेबसे काठापर्यंत आले.

मात्र, मिनाबाई दिलीप बहिरव आणि साक्षी अनिल सोनवणे वय वर्ष १२, पुजा दिनकर सोनवणे वय वर्ष १६ या पुरात वाहून गेल्या. मिनाबाई बहिरव आणि साक्षी सोनवणे यांचे मृतदेह सापडले आहेत. तर पूजा सोनवणे, वय १६ वर्ष, ही मुलगी सापडली नसल्याची माहीती आडगाव जेहूरचे पोलिस पाटील सुधीर सोनवणे यांनी दिली.

Edited By - Jagdish Patil