हा संताप आहे धाराशिवमधील शेतकऱ्यांचा.... आणि त्याला कारण ठरलंय मदतीच्या कीटवर एकनाथ शिंदे आणि प्रताप सरनाईक यांचे छापलेले फोटो.. एवढंच नाही तर जाहिरातबाजीच्या नादात 3 दिवस मदतीसाठी उशीर केल्याचं सांगत तुमची मदत नको, ती माघारी घेऊन जा म्हणत शेतकऱ्यांनी संताप व्यक्त केलाय...

आठवडाभरापासून मराठवाड्यावरचं आभाळ फाटलंय... लाखो हेक्टरवरची पीकं पाण्याखाली गेलेत.. अनेक घरात पाणी शिरलंय... भिंत खचलीय... चूल विझलीय...शेतकऱ्याकडे होतं नव्हतं ते सगळं मातीमोल झालंय.. शेतकरी ठोस मदतीच्या प्रतिक्षेत आहेत.. दरम्यान उपमुख्यमंत्री एकनाथ शिंदे आणि प्रताप सरनाईक धाराशिव दौऱ्यावर आहेत.. मात्र या दौऱ्यादरम्यानच मदतीच्या कीटवर जाहिरातबाजी केल्यानं विरोधकांच्या हाती आयतं कोलित मिळालंय..तर याच मुद्द्यावरुन राऊतांनी एकनाथ शिंदेंवर निशाणा साधलाय...

दुसरीकडे राऊतांची टीका सत्ताधाऱ्यांना चांगलीच जिव्हारी लागलीय.. त्यावरुन शिंदे सेनेने राऊतांवर पलटवार केलाय...

राज्यातील 3600 गावं अतिवृष्टीने बाधित झालेत...निम्म्या महाराष्ट्रावर ओल्या दुष्काळाचं संकट आहे... आणि त्यातही शेतकऱ्यांच्या दुःखावर फुंकर मारण्याऐवजी आगामी स्थानिक स्वराज्य संस्थांच्या निवडणूका डोळ्यासमोर ठेऊन मतांसाठी मदतीचं कीट वाटलं जात असेल तर राजकारण्यांमध्ये संवेदनशीलता उरली आहे का? असाच सवाल निर्माण झालाय.