- अमर घटारे
शेतकऱ्यांच्या विविध मागण्यांसाठी आज (गुरुवार) स्वाभिमानी शेतकरी संघटनेच्यावतीने (swabhimani shetkari sanghatana) नागपूर अमरावती महामार्गावर रास्ता राेकाे (rasta roko at nagpur amravati highway) करण्यात आला. या आंदाेलनामुळे या महामार्गावरील वाहतुक काही काळ विस्कळीत झाली. दरम्यान पाेलिसांनी काही आंदाेलकांना ताब्यात घेतल्याने महामार्गावर आंदाेलक आणि पाेलिसांत झटापट देखील झाली.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
शेतकऱ्यांना संपूर्ण कर्जमाफी करावी. सोयाबीनला खाजगी बाजारात प्रतिक्विंटल आठ हजार रुपये भाव मिळावा, कापसाला खाजगी बाजारात प्रती दहा हजार रुपये क्विंटल भाव स्थिर राहावा यासाठी केंद्र सरकारने धोरण आखावे अशी मागणी शेतक-यांनी घाेषणाबाजी करुन केली. अमरावती जिल्ह्यात संत्रा प्रक्रिया केंद्रे उभारावी, मागील वर्षीचा आणि चालू वर्षाचा शंभर टक्के पिक विमा द्यावी अशी मागणी देखील शेतक-यांनी केली.
नागपूर राष्ट्रीय महामार्गावरील नांदगावपेठ टोल नाक्यावर स्वाभिमानी शेतकरी संघटनेसह शेकडाे शेतकऱ्यांनी रास्ता रोको आंदाेलन छेडले. या आंदोलनात सोयाबीन, कापूस, संत्रा उत्पादक शेतकऱ्यांचा सहभाग हाेता.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.