भंडारा : नवाब मालिकांना (Nawab Malik) झालेली अटक ही योग्य असून ED ने आपले काम योग्य प्रकारे केल्याचे वक्तव्य भाजप खासदार सुनील मेंढे यांनी व्यक्त केले आहे. राष्ट्रवादीचे नेते नवाब मलिकांना आतंकवाद्यांशी संबंधीत लोकांबरोबर आर्थिक व्यवहार केली असल्याच्या प्रकरणात ईडीकडून अटक करण्यात आली आहे. मलिकांचा राजीनामा घ्यावा अशी मागणी भाजपने केली आहे, तर मलिकांचा राजीनामा घेणार नसल्याचं राष्ट्रवादीने स्पष्ट केलं आहे. आणि या प्रकरणावरुनच आता आता भाजप खासदार सुनील मेंढे (BJP MP Sunil Mendhe) यांनी राष्ट्रवादीवर (NCP) टीका केली आहे.

ते म्हणाले, नवाब मलिक यांचे आतंकवाद्यांशी संबंध आहेत, त्यांमुळे राष्ट्रवादीने मालिकांना हीरो बनवू नये असं वक्तव्य खासदार सुनील मेंढे यांनी केलं. नबाव मलिकांच्या कंपनीने आतंकवादी दाऊद इब्राहिमची जमीन कवडी मोल भावात विकत घेतली असून मनी लॉन्ड्रिंग प्रकरणी तपास करुन ईडी ने मलिकांना अटक केली असून त्यांच्यावर केलेली कारवाई योग्य असून राष्ट्रवादीद्वारे मलिकांना हिरो बनविने निंदनीय असल्याचे खासदार मेंढे म्हणाले.

Edited By - Jagdish Patil