नांदेड : महिलेचा विनयभंग केल्या प्रकरणी स्वाभिमानी संभाजी ब्रिगेडच्या संस्थापक अध्यक्षाविरोधात नांदेड मध्ये गुन्हा दाखल करण्यात आला आहे. काल रात्री उशिरा ग्रामीण पोलिस ठाण्यात हा गुन्हा दाखल करण्यात आला आहे. माधव दादाराव देवसरकर असं विनयभंग केल्याप्रकरणी अटक करण्यात आलेल्या आरोपीचे नाव आहे. पोलिसांनी देवसरकरला आज अटक केली आहे.

हे देखील पहा :

चार दिवसांपूर्वी पिडीत महिलेने माधव देवसरकर विरोधात, रात्री अपरात्री मॅसेज करणे, डोळा मारणे असे अश्लील प्रकार केल्याची तक्रार पोलिसात दिली होती. यावेळी पोलिसांनी ५०९ प्रमाणे केवळ गैरवर्तन केल्याचा गुन्हा दाखल केला होता. मात्र, पोलिसांनी काल कलम ३५४ प्रमाणे विनयभंगाचा गुन्हा दाखल केला आहे.

दरम्यान, माधव देवसरकर कडून मला आणि माझ्या कुटुंबियांच्या जिवीताला धोका आहे. त्यामुळे आम्हाला संरक्षण द्यावे अशी लेखी मागणी पिडीत महिलेच्या पतीने पोलिसांकडे केली आहे.

Edited By : Krushnarav Sathe