श्रीलंका येथील उवा प्रांतात एक मोठी दुर्घटना घडली आहे. एका कार रेसिंग स्पर्धेत अपघात होऊन ७ व्यक्तींचा मृत्यू झालाय. तसेच २३ व्यक्ती गंभीर जखमी झाल्या आहेत. घटनेनंतर परिसरात एकच गोंधळ आणि धावपळ सुरू झाली. या घटनेत कारखाली एक लहान मुलगा देखील चिरडला गेला.
मिळालेल्या अधिक माहितीनुसार, रविवारी २१ एप्रिल रोजी ही दुर्घटना घडली आहे. उवा प्रांत येथे एक कार रेसिंग स्पर्धा सुरू होती. यामध्ये अनेक स्पर्धकांनी सहभाग घेतला होता. स्पर्धा सुरू झाल्यानंतर एका कारने अचानक आपला ट्रॅक बदलला. त्यानंतर चालकाचे कारवरी नियंत्रण सुटले आणि कार अनियंत्रीत झाली. ट्रॅक बदलून कार थेट प्रेक्षकांमध्ये शिरली.
कार आपल्या दिशेने येत असल्याचं पाहून तेथे मोठी पळापळ सुरू झाली. या दुर्घटनेत ७ व्यक्तींचा मृत्यू आणि २० जण जखमी आहेत. यात एका ८ वर्षांच्या मुलाचाही मृत्यू झालाय. घटनेची माहिती मिळताच पोलिसांसह वैद्याकीय सेवा तातडीने घटनास्थळी दाखल झाल्या. जखमींना जवळील रुग्णालयात दाखल करण्यात आले असून त्यांच्यावर उपचार सुरू आहेत.
१ लाखांहून अधिक व्यक्तींचा सहभाग
साल २०१९ आधी ही स्पर्धा दरवर्षी आयोजित केली जात होती. कोरोनानंतर यंदा श्रीलंकाई सेनाकडून या स्पर्धेचं आयोजन करण्यात आलं होतं. त्यामुळे ही स्पर्धा पाहण्यासाठी अनेकांनी गर्दी केली होती. ही गर्दी जवळपास १ लाखांहून अधिक व्यक्तींची होती.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.