सोलापूर : काेराेनाचा प्रादुर्भाव वाढू नये यासाठी विद्यार्थ्यांची सुरक्षितता म्हणून पुण्यश्लोक अहिल्यादेवी होळकर सोलापूर विद्यापीठाने (solapur university) ऑफलाईन पद्धतीची एेवजी ऑनलाईन पद्धतीने परीक्षा (exam) घेण्याचा निर्णय जाहीर केला आहे. या नव्या निर्णयाची नाेंद विद्यार्थी आणि पालकांनी घ्यावी असे आवाहन सोलापूर विद्यापीठाने केले आहे.

राज्य शासनासह सोलापूरच्या जिल्हा प्रशासन आणि महापालिका आयुक्तांनी कोविड १९ विषाणूचा नवा omicron या प्रादुर्भाव हाेऊ नये यासाठी नवे नियम लागू केले आहेत. यामध्ये सोलापूर जिल्ह्यात येणाऱ्या सर्व प्रवाशांचे लसीकरण किंवा ७२ तासांसाठीचा असलेला आरटी पीसीआरचे (rt-pcr) प्रमाणपत्र हवे. याबराेबरच सार्वजनिक ठिकाणी येण्यासाठी लसीकरण बंधनकारक केले आहे. या नियमांमुळे विद्यापीठ स्तरावरील परीक्षा ही ऑफलाईन पद्धतीने परीक्षा घेणे कठीण ठरू शकते. त्यामुळे विद्यापीठाने नवा निर्णय नुकताच जाहीर केला.

येत्या जानेवारीत घेतल्या जाणा-या परीक्षा ऑनलाईन पद्धतीने हाेतील. त्याबाबतचे नवे परिपत्रक नुकतेच विद्यापीठाने सर्व संलग्नित महाविद्यालयांना पाठविले आहे. दरम्यान नव्या बदलांची नाेंद विद्यार्थी आणि पालकांनी घ्यावी असे आवाहन विद्यापीठाने केले आहे.

edited by : siddharth latkar