सोलापूर : सोलापूर शहर आणि जिल्ह्यात कोरोनाची संख्या दिवसेंदिवस वाढत आहे. सोलापूर (Solapur) शहरात एकाच दिवशी दहा कोरोना (Corona) बाधित रुग्ण आढळून आले आहेत. तर सोलापुरातील अनेक भागात नव्याने कोरोना रुग्ण आढळले आहेत. (Latest Marathi News)

राज्‍यात कोरोनाने पुन्‍हा डोके वर काढले आहे. दररोज बाधितांची संख्‍या वाढत आहे. यामुळे आरोग्‍य यंत्रणा देखील अलर्ट झालेली आहे. अशातच सोलापूर शहर व जिल्‍ह्यातील अनेक भागांमध्‍ये नवीन कोरोना बाधितांची संख्‍या वाढत आहे. यात सोलापूरात दिवसभरात दहा कोरोना बाधित आढळून आल्‍याने चिंता वाढली आहे. सोलापूर शहरात ४८ ऍक्टिव्ह कोरोना रुग्ण आहेत. त्यामुळे आरोग्य विभाग अलर्ट मोडवर काम करत आहे.

८७ जणांची कोरोना चाचणी

सोलापूर शहर आणि जिल्ह्यात ६९ कोरोना बाधित रुग्णांवर उपचार सुरू आहेत. प्रशासनाकडून योग्य दक्षता घेतली जात आहे. सोलापूर शहर जिल्ह्यात काल ८७ जणांची कोरोना चाचणी करण्यात आली होती. त्यातील दहा जणांना कोरोना चाचणी पॉझिटिव्ह आली आहे. सोलापूर शहरात २९ पुरुष तर १९ महिला कोरोनावर उपचार घेत आहेत.