सोलापूर : जिल्ह्यातील घोडेश्वर येथे एक धक्कादायक प्रकार समोर आलाय. स्मशानभुमीच्या जागेवरून महामार्ग गेला अन अंत्यसंस्काराची जागा गेली. यामुळे आता रस्त्यावर अंत्यसंस्कार करावे लागत आहेत. (solapur news mistake of administration Funerals have to be done on the road)

गावातील मागासवर्गीय समाजाच्या स्मशानभूमीच्या जागेवरून नागपूर- रत्नागिरी हा राज्य महामार्ग (Nagpur Ratnagiri Highway) गेला आहे. त्यामुळे अंत्यसंस्कार करण्यासाठी पुरेशी जागाच उपलब्ध राहिली नाही. याचा परिणाम म्हणून एका मागासवर्गीय समाजाच्या व्यक्तीवर रस्त्यावरच अंतविधी करण्याची वेळ आली आहे.

प्रशासनातील चुकेने स्मशानभुमी गेली

संबंधित स्मशानभूमीच्या जागेचा 7/12 उतारा उपलब्ध आहे. मात्र, फेरफार नंबर मिळतं नसल्याने हा विषय प्रलंबित आहे. प्रशासनातील या चुकांचा फटका सामान्य माणसाला बसताना दिसून येत आहे. आजतागायत दोन मृतदेहांचे अंत्यसंस्कार (Funerals) जे हे रस्त्यालगतंच करावे लागले आहेत. त्यामुळं मागासवर्गीय समाजाच्या हक्काची स्मशानभूमी त्यांना कधी मिळणार हा प्रश्न अनुत्तरीतच आहे.