Solapur News : औरंगजेबचे स्टेटस सोशल मीडियावर (social media) ठेवल्याने साेलापूर जिल्ह्यातील (solapur crime news) एका युवकावर गुन्हा दाखल करण्यात आला आहे. राज्यातील बहुतांश जिल्ह्यात औरंगजेब ( aurangzeb) आणि टिपू सुलतान (tipu sultan) यांचा समाज माध्यमातून प्रचार सुरु असल्याचा दावा हिंदुत्त्ववादी संघटना (hindu organisations) करु लागल्या आहेत. त्यातून बहुतांश ठिकाणी वादावादी हाेत आहे. (Maharashtra News)

"जल जल कर मर जाओगे, फिर भी तुम कुछ उखाड नही पाओगे" असा हिंदी भाषेत मजकूर लिहून साेलापूरात एका युवकाने औरंगजेबचा फोटो (Aurangzeb Photo Status) समाज माध्यमात स्टेटस ठेवला. औरंगजेबचे स्टेटस ठेवल्याने हिंदू धर्मियांचे भावना दुखावल्याचा स्थानिकांनी युवकावर आरोप करीत पाेलिसांत धाव घेतली.

पाेलिसांनी दिलेल्या माहितीनुसार शोएब मंगरूळकर असे गुन्हा दाखल झालेल्या युवकाचे नाव आहे. ही घटना सोलापूरातील नवीन विडी घरकुल भागात घडली. या घटनेनंतर तक्रारदार पाेलिस ठाण्यात आले. त्यांच्या तक्रारीनूसार शोएब मंगळूरकर याच्यावर (कलम 153अ, 153 (ब), 295अ, 505 (2) प्रमाणे ) गुन्हा दाखल करण्यात आला आहे.

पाेलिस काेठडीत रवानगी

त्याला न्यायालयात हजर केले असताना न्यायालयाने त्यास 3 दिवसांची पोलीस कोठडी सुनावली आहे अशी माहिती अनिल सनगल्ले (सहाय्यक पोलीस निरीक्षक, वळसंग पोलीस) यांनी दिली.

Edited By : Siddharth Latkar