Solapur crime news, pregnant woman suicide : पुण्यातील वैष्णवी हगवणे प्रकरणामुळे राज्यात संतापाची लाट असतानाच आता सोलापूरही हादरले आहे. सोलापूरमध्ये ३ महिन्याच्या गर्भवती आशाराणी भोसले यांच्या आत्महत्यामुळे खळबळ उडाली आहे. आशा भोसले यांनी यांनी आत्महत्या केली नसून हत्याचा झाल्याचा आरोप कुटुंबियांकडून करण्यात आला आहे. सासरच्या जाचाला कंटाळून आशाराणी भोसले यांनी टोकाचे पाऊल उचलले. धक्कादायक म्हणजे, आशा भोसले या तीन महिन्याच्या गर्भवती होत्या, त्यामुळे सोलापूरमध्ये एकच खळबळ उडाली असून हळहळ व्यक्त करण्यात येत आहे. आशा भोसले यांच्या आई-वडिलांकडून सासरच्या लोकांवर गंभीर आरोप करण्यात आले आहेत.

पुण्या नंतर आता सोलापूर देखील हादरलं आहे. आशाराणी भोसले यांनी टोकाचे पाऊल उचलले. आशाराणी भोसले यांची हत्या की आत्महत्या? असा सवाल नातेवाईकांनी उपस्थित केला आहे. मोहोळ तालुक्यात सासरच्या मंडळीच्या छळाला कंटाळून आशा भोसले यांनी टोकाचे पाऊल उछलले आहे. याप्रकरणी पोलिसांत गुन्हा दाखल कऱण्यात आला आहे. पोलिसांनी या प्रकरणी चौकशी सुरू केली आहे.

सोलापूरजवळील चिंचोली एमआयडीसी येथे राहणाऱ्या विवाहित आशा भोसले यांनी गळफास घेऊन आत्महत्या केल्याचा प्राथमिक अंदाज व्यक्त करण्यात येत आहे. पण चिंचोली एमआयडीसी येथे आशाराणी भोसले हिचा गळफास बनाव असल्याचा नातेवाईकांनी आरोप केला आहे. आशाराणी भोसले तिने गळफास घेतल्यानंतर मोहोळ ग्रामीण रुग्णालयात दाखल केल्यानंतर डॉक्टरांनी मृत घोषित केले. आशा भोसले यांच्या कुटुंबियांकडून पोलिसांत तक्रार दाखल करण्यात आली आहे.

आशाराणी भोसले यांना तीन वर्षाची मुलगी आहे. टोकाचा निर्णय घेतला त्यावेळी आशा भोसले या तीन महिन्याची गरोदर असल्याची नातेवाईकांनी सांगितले. अशा राणी भोसले हिला सासरच्या मंडळींकडून त्रास होत होता. आतापर्यंत चार ते पाच वेळा घरगुती वाद मिटवल्याचेही मृत आशा भोसले यांच्या नातेवाईकांनी सांगितले. याप्रकरणी मोहोळ पोलीस ठाण्यात सासरच्या मंडळी विरोधात गुन्हा दाखल करण्यात आला आहे. मोहोळ पोलिसांकडून या प्रकरणाचा तपास केला जात आहे.